As Illas Canarias forman parte dun arquipélago de orixe volcánica, é dicir, como un conxunto de illas que se formaron pola acción construtiva da actividade volcánica no océano cando o magma, procedente do interior da Terra, ascende a través de gretas ou fracturas da codia oceánica, e vaise acumulando no fondo oceánico ata emerxer sobre o nivel da superficie do mar.
Etapas da formación das Illas
Primeira etapa.
Nun primeiro momento fracturouse a codia oceánica e levantáronse bloques sobre os que se foron depositando as lavas procedentes das erupcións submarinas. Estes materiais (rocas plutónicas e sedimentos mariños) compoñen o que se denomina o chamado Complexo Basal, que só se deixa ver nas illas máis erosionadas: A Gomera, A Palma e Fuerteventura.
Segunda etapa.
A construción subaérea comezou nos últimos 20 millóns de anos, cando as Illas emerxeron do océano. Pódense distinguir dous ciclos na construción de cada unha das Illas:
1.º A serie antiga ou primeiro ciclo dá lugar a grandes edificios volcánicos, formados por amoreamentos de coladas basálticas con intercalacións de depósitos piroclásticos. Na actualidade, estas formacións de considerable altura encóntranse bastante erosionadas e desmanteladas, sobre todo na parte norte das Illas, onde a acción erosiva do mar e da chuvia foi máis intensa.
2.º A serie recente ou segundo ciclo continúa na actualidade en todas as Illas, coa excepción de La Gomera, e deu lugar a formas de relevo moi variadas. O conxunto de erupcións máis recentes é coñecido co nome de volcanismo recente ou histórico, e afectaron ás illas de Lanzarote, Tenerife, La Palma e El Hierro. Esto indica que o volcanismo segue activo no Arquipélago.
Información: Wikipedia.
Opinión persoal : Este é un tema moi interesante, para facer este traballo basámonos nunha das hipóteses que hai. Ningunha está cientificamente demostrada polo cal é recomendable indagar máis e chegar á nosa propia conclusión.
David Carbón, Nuria Canicoba, Lucía Castro e Nerea Couceiro. 1º Bach- C